ماخنتك حبيبي وابد ماخون

ماخنتك حبيبي وابد ماخون

ماخنتك حبيبي وابد ماخون
ولتفكر ابيعك او اخونك

انت بروحي عايش روح
مااغفى جذب لحظة بدونك

ماشوف البشر الا بوجودك
موتدري اشوف اني بعيونك

على ذبيت كومة اوهام
والمعاديني هسة يواددونك

تريد اتشوف مني دم الجروح
موخايف يجروحي يسهرونك

أني اللي اضم الاه ماكول
اخاف عليك لاتدمع عيونك

جاي تريد هسة تبيعني بساع
المهم لتبيعني لليكرهونك

ومن تكتب على جروحك يمحبوب
خل يقروهة بس اليحبونك

وماتلكة اليحبك مثلي يهواي
واذا ماصدكت اسال جفونك

راح اتشك رمشهة بساعة العوز
وعالمراية تبواعني بعيونك

وعد كتلك احبك لحد ماموت
ماميت بعدني ومااخونك

بقلمي الحزين
عامرالعراقي