خنتك ياحبيبي وهاي اعذاري

خنتك ياحبيبي وهاي اعذاري

خنـتك ياحبيـبي وهـاي اعـذاري
وماخنتك لان بطبعي خوان
مااحب احجي كل الصار
لكن عالعموم اني اطلعت غلطان
ماساومت بيك ولابعت اسمك
لان انت حبيبي وموش ياهو الجان
ولان انت حبيبي ومااحب بعدك
معقولة بدالك يجي بس عنوان
ليغرك الظاهر وتنخدع عينك
شفت المغطى يحل علية الحسان
اريد اعتذر منك كلش هواي
وعلى السويتة والله وداعتك ندمان
احس نفسي صرت ازغر
لاني عاشرت هيج انسان
لكن ماخسرت هواي صدكيني
ربحت اني وهو اللي طلع خسران
هسة بكيفج انتي وبعد لتضوجين
وعيونج أبد مايغلط النيشان
صوبتة السهم واندل مكانة وين
وكلشي مابقة لاأثر لاعنوان

عامرالعراقي