كلولها.. حصرياا

كلولها.. حصرياا

كلولها...

اني كلبي من حديد
ومايصدي اولا يلين
وهم عنيد
كلولها
سنين عمري تموت
واني ارجع صبي
اشما جرحتوني اضحك الكم
اشكبرة كلبي
حتى بجروحة سعيد

كلولها..
انتي بعتيني بثمن
ضنج رخيص ..اني غالي
غالي حيل
اللي اشتراني دفع
دم عمرة ثمن

كلولها...
جان واكف ينتظر يمتة تبيع
بزلة السانك فرش روحة
وفتح حضنة ولكفني
خاف اطيح
كلولها...
هو بس اصبع ندم
من تعضة بفركتي
هم تستريح

ياما سامحتك وغضيت النظر
وياما شلت همومك
واني الذبيج

كلولها
هسة ماتت بية لهفة شوفتك
وهسة كلشي تغير وطاب الجريح
وهسة عرش الملك صاير بس الي

كلولها...
الملك عامر ..عالعرش
كاعد مستريح

الشاعر
عامرالعراقي

» دفنتة..حصرياا
» لاتوازيني حصرياا
» الرجولة..حصرياا..جداا
» ناسيني الكمر..حصرياا
» فشلة ارجع حصرياا