اعز من روحي(بقلمي وحصريا)

اعز من روحي(بقلمي وحصريا)

روحي(بقلمي, وحصريا)

‏اعز من روحي

اعز من روحي انت واغلى كل الناس
او لو اكضي العمر وياك مااندم

كلي منين ابوسك مشتهي البوسة
وكل ماريد ابوسك ليش اتلعثم

صرت حيل استحي منك وانا الرجال
مارايد البوسة خلني بس اشتم

احضني بحنانك ضمني صدرك حيل
من هجرك الهسة واني متيتم

تدري شكد احبك وانت ماحسيت؟؟
بكد رحمة الله وردت بس نلتم

لجة بكلبي صارت رايد يشوفك
حضن شريان الابهر ضنك انت الدم

حبي وياك حب الشيعي العاشور
كل ماذكروا اسم حسين ضل يلطم

بقلمي(حصريا)
عامرالعراقي

» درس لليغدر حبيب / بصوتي وحصريا
» وي روحي اسولف/حصريا لشط العرب
» بقلمي المتمرد
» جف المسامح كطعتة/بقلمي
» كلمتني اليوم(بقلمي)