اذا رايد تبيع افتح المازاد

ذا رايد تبيع افتح المازاد

صاير تعتني بحبابك هواي
واحنة الغربة صرنة بدار اهلنة
نسيت العيد اجة ولازم تبدل الثوب
عتكنة احنة واضن حقك تملنة
واحنة الماشبعنة اسوالف وياك
اذا ماعاجبك بطل تحبنة
العشك عدنة حياة وموت
برزخ بينهن ماكو بعشكنة
حاول من تحب تفهم مشاعر ذاك
ترة مو ذاك اليناطر تشحنة
سوي اشما يريد اشسوة وياك
ولاتحجي بتكبر من تمرنة
احنة اهل التكبر لكن نكول
بتواضعنة على العالم كبرنة

موياهو اليجي يشمرهن وياي
شفنة هواي من عدهن وعفنة
كلش مقتنع وبطبعي ماخاف
صدك لو اشوف الموت احضنة
اذا رايد تبيع افتح المازاد
وشوف الذهب يرخص يم سعرنة

بقلمي...حصري
عامرالعراقي